ԵՐԵՎԱՆ, 10 հունվարի – Sputnik. Bloomberg գործակալության լրագրող Սեմ Ֆազելին կարծում է, որ «Սպուտնիկ V» պատվաստանյութն ուժեղ դեղամիջոց է կորոնավիրուսի դեմ պայքարում։ RT-ի փոխանցմամբ՝ նա այդ մասին գրել է իր նյութում։
Լրագրողի խոսքով՝ Ռուսաստանն այդ պատվաստանյութով ներառվել է այն արտադրողների հնգյակում, որոնց հետ կրկնակի պատվերի մասին պայմանագրեր են կնքվել։
Միաժամանակ Ֆազելին նշել է, որ պատվաստանյութը երրորդ փուլի կլինիկական փորձարկումներ է անցել, պատվաստման արդյունավետության մակարդակը գերազանցել է 90%-ը, հիվանդության ծանր ընթացքի ոչ մի դեպք չի գրանցվել։
«Հաշվի առնելով այս գործոնները, նույնիսկ առանց փորձարկման երրորդ փուլի՝ հիմք կա կարծելու, որ «Սպոևտնիկ V»-ն կարող է կորոնավիրուսի դեմ պայքարում լինել նույնքան ուժեղ «թեկնածու», որքան արևմտյան լաբորատորիաներում ստեղծված պատվաստանյութերն են, ինչը չի կարելի ասել չինական CoronaVac-ի մասին», - գրում է Ֆազելին։
Առանց վարանելու ռուսական պատվաստանյութը կընտրեմ. Նատալյա Օրեյրո
Հիշեցնենք` Ռուսաստանն աշխարհում առաջինն է գրանցել Covid-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն շրջանառության մեջ է դրվել և Ռուսաստանի մարզեր է մատակարարվում։