ԵՐԵՎԱՆ, 10 հունվարի - Sputnik. ԱՄՆ-ի գործող նախագահ Դոնալդ Թրամփի կողմնակիցների և հակառակորդների միջև բախումներ են տեղի ունեցել Կալիֆոռնիայի նահանգի Սան Դիեգո քաղաքում: Տեղեկությունը հայտնում է FOX5 հեռուստաալիքը։
Նախօրեին՝ հունվարի 9-ին, Սան Դիեգոյում Թրամփի կողմնակիցները երթ էին անցկացնում, երբ հայտնվել են նրանց հակառակորդները, այդ թվում ՝ հակաֆաշիստական խմբերը․ նրանց միջև բախումներ են գրանցվել։
Քաղաքի ոստիկանությունը ցույցն անօրինական է համարել գրանցված բռնությունների պատճառով և սկսել է բաժանել կռվող կողմերին: Ավելի ուշ տեղի ոստիկանությունը հայտնել է, որ բոլորը լքել են տարածքը։
Հիշեցնենք, որ հունվարի 6-ին ԱՄՆ գործող նախագահ Դոնալդ Թրամփի կողմնակիցները ներխուժեցին Կապիտոլիումի շենք և շրջապատեցին Սենատի դահլիճը։ Սենատն ընդհատեց նիստը։ Կապիտոլիումի շենքի մոտ բախումներ տեղի ունեցան Թրամփի կողմնակիցների և ոստիկանության միջև:
Իրավապահ մարմինների աշխատակիցներն արցունքաբեր գազ և լուսաձայնային նռնակներ կիրառեցին։ Ավելի ուշ Թրամփը ցուցարարներին կոչ արեց տուն գնալ։
Կմասնակցի՞ Թրամփը Բայդենի երդմնակալությանը. նա Twitter-ում գրառում է արել
Հիշեցնենք նաև, որ նոյեմբերի 3–ին ԱՄՆ–ում կայացած նախագահական ընտրություններում հաղթել է Դեմոկրատական կուսակցության թեկնածու Ջո Բայդենը։