ԵՐԵՎԱՆ, 7 հունվարի - Sputnik. Ամերիկյան Tesla Motors և SpaceX ընկերությունների հիմնադիր Իլոն Մասկն առաջ է անցել Amazon-ի հիմնադիր Ջեֆ Բեզոսից՝ դառնալով աշխարհի ամենահարուստ մարդը։ Bloomberg պարբերականի տեղեկություններով՝ շուկայում էլեկտրամոբիլների գնանշումն աճել է 4,8 տոկոսով, ինչը թույլ է տվել Մասկին գլխավորել միլիարդատերերի համաշխարհային ցուցակը։
Վերջին մեկ տարվա ընթացքում Մասկի կարողությունն աճել է 150 մլրդ դոլարով:
Պարբերականի տեղեկություններով՝ Մասկի կարողությունը գնահատվում է 188,5 մլրդ դոլար, մինչդեռ Բեզոսը զիջում է նրան 1,5 միլիարդով։ Նշենք, որ Amazon-ի հիմնադիր Ջեֆ Բեզոսը գլխավորում էր վարկանիշային ցուցակը 2017 թվականի հոկտեմբերից:
Ավելի վաղ հայտնել էինք, որ Tesla- ի բաժնետոմսերը թանկացան 20 տոկոսով, երբ հայտնի դարձավ, որ ընկերությունն ընդգրկվել է բիրժային ինդեքս S&P 500 -ի ցուցակում։ Այս բիրժային ինդեքսով չափվում է ԱՄՆ–ի տնտեսության վիճակը:
Իլոն Մասկն առաջին անգամ հայտնվել է մոլորակի 5 ամենահարուստ մարդկանց շարքում