ԵՐԵՎԱՆ, 6 հունվարի – Sputnik. Բելգիայի Անտվերպեն քաղաքի ղեկավար Բարտ Դը Վևերը տեսահարցազրույց է տվել տնից և որոշել է էկրանի առաջ նստել առանց տաբատի։ Տեղեկությունը հայտնում է Politico-ն։
Նա մտածել է, որ կադրում միայն վերնաշապիկն է երևալու, բայց հայելու արտացոլանքում երևացել է նաև ներքնազգեստը։
«Ձեր հագին շատ գեղեցիկ վերնաշապիկ է, հավանաբար հատուկ մեզ համար եք հագել։ Բայց մի՞թե վերնաշապիկի տակ միայն ներքնազգեստով եք»,-հարցրել է հաղորդավարուհին առցանց հարցազրույցի ժամանակ։
Դը Վևերը սկզբում զարմացել է, հետո հասկացել, թե ինչ է տեղի ունեցել։
«Գրողը տանի, երևի նրանից է, որ ես հայելու առաջ եմ նստած։ Ես դա հաշվի չէի առել։ Տարին առանձնահատուկ տհաճ պահից է սկսվում, ես սա երկար կհիշեմ»,-ասել է Դը Վևերը։
Բելգիացի քաղաքական գործիչներից մեկը՝ Ժորժ Լուի Բուշեն, կատակել է` քաղաքապետին առաջարկելով բելգիական դրոշի գույներով կիսատաբատ հագնել։
Սոված երեխան ու կրծկալը. ի՞նչ է անում փոքրիկը ներքնազգեստի խանութում. զվարճալի տեսանյութ