ԵՐԵՎԱՆ, 4 հունվարի – Sputnik. Ռուսաստանի կառավարությունը մինչև հունվարի 20-ը կքննարկի կորոնավիրուսի դեմ պատվաստում անցած քաղաքացիներին հավաստագիր տրամադրելու հարցը։ Ռուսաստանի նախագահ Վլադիմիր Պուտինի համապատասխան հանձնարարականը հրապարակվել է Կրեմլի կայքում:
«Ռուսաստանի Դաշնության կառավարությանը։ Քննարկել կորոնավիրուսային նոր վարակի (COVID-19) կանխարգելման նպատակով ռուսական պատվաստանյութով պատվաստում անցած քաղաքացիներին հավաստագիր տրամադրելու, ինչպես նաև այդ հավաստագրերի միջազգային ճանաչման հարցը՝ ՌԴ-ից դուրս գալու կամ ՌԴ մուտք գործելու ու արտասահմանյան պետական սահմաններ հատելու համար», - նշված է հաղորդագրության մեջ։
193 նոր դեպք, 14 մահ` մեկ օրում. կորոնավիրուսային հիվանդության ընթացքը Հայաստանում
Զեկույցը պետք է ներկայացվի մինչ 2021 թվականի հունվարի 20-ը։ Պատասխանատու է նշանակվել Ռուսաստանի վարչապետ Միխայիլ Միշուստինը։
Ռիսկի խմբում 0-19 տարեկաններն են. ինչո՞վ է վտանգավոր կորոնավիրուսի նոր մուտացիան
Հիշեցնենք` Ռուսաստանն աշխարհում առաջինն է գրանցել Covid-19–ի դեմ պատվաստանյութը, որը ստեղծել են Գամալեայի կենտրոնը և Ուղիղ ներդրումների ռուսական հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն շրջանառության մեջ է դրվել և Ռուսաստանի մարզեր է մատակարարվում։