ԵՐԵՎԱՆ, 31 դեկտեմբերի - Sputnik. Առողջապահության նախարարությունը գործարկել է COVID շտապօգնության ծառայությունը, որի հեռախոսահամարն է 8033: Ինչպես հայտնում են նախարարությունից, շտապօգնության ծառայության որակի բարձրացման և բժշկական օգնություն տրամադրելու նպատակով հեռախոսահամարը և կենտրոնի շտապօգնության թիմը կաշխատեն շուրջօրյա։
531 նոր դեպք, 16 մահ` մեկ օրում. կորոնավիրուսային հիվանդության ընթացքը Հայաստանում
«Նշված հեռախոսահամարին կարող են զանգահարել այն քաղաքացիները, ովքեր ունեն ախտորոշված կորոնավիրուսային հիվանդություն և հոսպիտալացման համար անհրաժեշտ բժշկական ցուցում»,- ասված է հաղորդագրության մեջ:
Այս պահին հեռախոսահամարն անվճար է Beeline-ի հաճախորդների համար: Այն անվճար դարձնելու համար այլ օպերատորների հետ ևս աշխատանքներ են տարվում:
Նշենք որ մինչև այժմ կորոնավիրուսով հիվանդների հոսպիտալացումը իրականացվում էր շտապօգնության 103 ծառայության կողմից: