ԵՐԵՎԱՆ, 29 դեկտեմբերի - Sputnik. «Լենովո» ընկերությունը պատասխանատվության է ենթարկվել անբարեխիղճ մրցակցության համար, տեղեկացնում է ՀՀ տնտեսական մրցակցության պաշտպանության պետական հանձնաժողովը։
Հանձնաժողովը պարզվել է, որ «Լենովո» ընկերությունն արգելել է «Օազիս կոմպյուտեր» ՍՊ ընկերությանը տնօրինել, տիրապետել և օգտագործել հայտարարագրով ձևակերպված «Lenovo» ապրանքանիշի ապրանքները` հնարավորություն ունենալով միակողմանիորեն ազդելու «Lenovo» ապրանքները ոչ ԵԱՏՄ անդամ երկրներից Հայաստան ներկրելու ընդհանուր պայմանների վրա։
«Լենովո (Բեյջին) Լիմիթեդ» ընկերությանը հանձնարարվել է 1-ամսյա ժամկետում շտկել օրենքի խախտումը՝ սահմանելով «Lenovo» ապրանքային նշանով մակնշված ապրանքների ներմուծումը թույլատրելու գործընթացի վերաբերյալ անաչառ, ողջամիտ և ոչ խտրական սկզբունքների վրա հիմնված, իրավաչափ նպատակ հետապնդող պայմաններ, որոնց բացակայության պայմաններում տնտեսվարող սուբյեկտները կանգնում են զգալի ֆինանսական կորուստներ կրելու, ինչպես նաև շուկայից դուրս մղվելու ռիսկի առաջ», – ասված է հանձնաժողովի հայտարարությունում։
Ընկերությունը կարող է այս որոշումը վարչական դատարանում բողոքարկել 10-օրյա ժամկետում։
Գազի շուրջ բանակցությունները ՀՀ–ի և ՌԴ-ի միջև կշարունակվեն մինչև 2021թ․-ի 2-րդ եռամսյակը