ԵՐԵՎԱՆ, 28 դեկտեմբերի – Sputnik. Պետական պաշտոն զբաղեցնող անձանց բազային աշխատավարձը չի կարող նվազագույն ամսական աշխատավարձի 70 տոկոսից ցածր լինել: «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում նման փոփոխություն է ներկայացրել ՀՀ կառավարությունը:
Ավագանին հաստատեց Երևանի 2021-ի բյուջեն. ինչքան ծախս, եկամուտ և պարգևավճար է նախատեսվում
Նախագիծն ԱԺ նիստում ներկայացրեց վարչապետի աշխատակազմի քաղաքացիական ծառայության գրասենյակի ղեկավարի պարտականությունները կատարող Վաչե Քալաշյանը:
«Այս առաջարկը բխում է այն հանգամանքից, որ չնայած նվազագույն աշխատավարձի մասին օրենքով 2020 թվականից նվազագույն ամսական աշխատավարձը բարձրացել է, բայց ո՛չ 2020-ին, ո՛չ 2021-ին բյուջեի մասին օրենքով բազային աշխատավարձի բարձրացում չի նախատեսվում»,-ասաց Քալաշյանը:
Բանն այն է, որ 2019 թվականի նոյեմբերի 19-ին Ազգային ժողովի կողմից ընդունված «Նվազագույն ամսական աշխատավարձի մասին» օրենքում փոփոխություններ կատարելու մասին» 2019 թվականի նոյեմբերի 19-ի ՀՕ-223-Ն օրենքով 2021 թվականի հունվարի 1-ից Հայաստանի Հանրապետությունում նվազագույն ամսական աշխատավարձը սահմանվեց 68000 դրամ:
Նվազագույն ամսական աշխատավարձի անվանական արժեքը (հարկերը և նպատակային սոցիալական վճարը ներառյալ), 2020 թվականին կազմեց 91275 դրամ, որի 80 տոկոսը 73020 դրամ է:
Մինչդեռ պետական պաշտոն և պետական ծառայության պաշտոն զբաղեցնող անձանց բազային աշխատավարձի չափը 2020 թվականի համար նախատեսված էր 66140 դրամ:
Առաջացած տարբերությունները վերացնելու և հակասություններից խուսափելու համար կառավարությունն առաջարկում է նվազեցնել օրենքով նախատեսված տոկոսադրույքը:
Ոչ թե պարգևավճար, այլ 13-րդ աշխատավարձ. ինչ են ստացել ԱԺ աշխատակիցները