ԵՐԵՎԱՆ, 24 դեկտեմբերի – Sputnik. Պորտուգալական Վիլա Նովա դը Ֆամալիկաո քաղաքում կայացած մրցանակաբաշխության ժամանակ «Արարատ–Արմենիա» ակումբի ֆուտբոլիստ Անժելո Մենեզեսն արժանացել է հատուկ մրցանակի։ Տեղեկությունը հայտնում է ակումբի մամուլի ծառայությունը։
«Մենզեսը մրցանակի է արժանացել սպորտում գրանցած հաջողությունների՝ 2019/20 մրցաշրջանում Հայաստանի Բարձրագույն խմբի առաջնության չեմպիոն դառնալու համար»,– գրված է հաղորդագրության մեջ:
Մեծ ըմբիշը մեծ նպատակներ ունի. ինչու է «կուբանցի հայ» Յուրի Պատրիկեևը վերադարձել Հայաստան
Մենեզեսը «Արարատ–Արմենիային» է միացել 2019 թվականի հունիսին։
Մրցանակաբաշխությունը կայացել է երեկ` դեկտեմբերի 23-ին։