ԵՐԵՎԱՆ, 23 դեկտեմբերի – Sputnik. ՀՀ արտակարգ իրավիճակների նախարարությունը տեղեկացնում է, որ դեկտեմբերի 23-ին, ժամը 12։00-13։00-ն ընկած ժամանակահատվածում Շիրակի մարզի Ամասիա միացյալ համայնքի Ջրաձոր բնակավայրում իրականացվելու են բնակչության ազդարարման և տարհանման միջոցառումներ։
Իսկ դեկտեմբերի 24-ին, ժամը 12։00-13։00-ն ընկած ժամանակահատվածում նման միջոցառումներ կիրականացվեն Շիրակի մարզի Բենիամին համայնքում։ Դրանց ընթացքում կփորձարկվեն նաև էլեկտրաշչակները:
Հորդորում ենք նշված բնակավայրերի բնակչությանը՝ չանհանգստանալ և ակտիվ մասնակցել ուսումնավարժական միջոցառումներին: