ԵՐԵՎԱՆ, 23 դեկտեմբերի - Sputnik. ՀՀ աշխատանքի և սոցիալական հարցերի նախարարի տեղակալ Սմբատ Սաիյանն ազատվել է պաշտոնից: Տեղեկությունը Սաիյանը հաստատեց Sputnik Արմենիայի հետ զրույցում։
«Ըստ ամենայնի, միջնորդությունն արդեն ներկայացվել է, պաշտոնական որոշում դեռ չկա։ Կարծում եմ` առանց աշխատանքի չեմ մնա։ Ես արդեն այլ առաջարկ եմ ստացել նախարարից։ Ամեն ինչ կարգին է։ Առայժմ պաշտոնական որոշում չկա», - ասաց Սաիյանը։
Նշենք, որ Սաիյանը երկար ժամանակ եղել է ՀՀ աշխատանքի և սոցիալական հարցերի նախարարության սոցիալական ապահովության ծառայության պետի տեղակալը, այնուհետև փոխնախարար է նշանակվել։ Այդ պաշտոնում նա համակարգում էր կենսաթոշակների և նպաստների վճարումը։ Նա սոցիալական ապահովության համակարգի փորձառու մասնագետներից մեկն է։
Հիշեցնենք, որ նոյեմբերի 20-ին նախարար նշանակվեց Մեսրոպ Առաքելյանը, որն այդ պաշտոնում փոխարինեց Զարուհի Բաթոյանին։