ԵՐԵՎԱՆ, 22 դեկտեմբերի – Sputnik. Ռուսաստանի Դաշնության նախագահ Վլադիմիր Պուտինն իրականացրել է Չելյաբինսկի մարզում բնակվող 9-ամյա Դիմայի երազանքը և նրա հետ միասին Կարմիր հրապարակում դուրս է եկել սահելու: Տեղեկությունը հայտնում է ՌԻԱ Նովոստին։
Տղայի երազանքը ՌԴ նախագահն իրականացրել է «Ցանկությունների տոնածառ» ակցիայի շրջանակներում։ Նշենք, որ Դիմայի երազանքն էր «լինել Կարմիր հրապարակում, սահել չմուշկներով և տեսնել, թե որտեղ է Կրեմլում աշխատում ՌԴ նախագահը»:
Նախագահը խոստացել էր սահել 9-ամյա տղայի հետ։
Հավելենք, որ անցյալ շաբաթ Վլադիմիր Պուտինի նախաձեռնությամբ իրականացվել է Տուլսկի մարզից 10-ամյա Սաշայի երազանքը, որը ցանկանում էր պանդայի գրկել:
Տղան ծնողների հետ այցելել էր Մոսկվայի կենդանաբանական այգի, որտեղ աշխատակիցների ուղեկցությամբ շրջել էր հատուկ վարժեցման սրահներում և հանդիպել պանդային:
Պուտինն ասաց` ինչու մինչ այժմ չի պատվաստվել կորոնավիրուսի դեմ