Կարեն Վրթանեսյանի դիտարկմամբ` Թուրքիայի ցանկացած ուժեղացում և առավել ևս ռազմական ներկայությունն Ադրբեջանում մեզ համար պարունակում է վտանգ։ Ու եթե դիտարկման համատեղ կենտրոնը տեղակայվելու է Աղդամում, Արցախից գրաված տարածքում, ապա մենք շատ վտանգավոր ներկայություն ենք ստանում։
«Այդ կենտրոնի առկայությունն իրականում խնդիր է նաև Ռուսաստանի համար։ Թուրքիան ավելի քան հարյուր տարի մեր տարածաշրջանում գրեթե ազդեցություն չուներ։ 1990-ականներին փորձեցին Ադրբեջանում հաստատվել, սակայն բավականին շուտ այնտեղից դուրս մղվեցին։ Խոսքը վերաբերում է հենց լուրջ ռազմաքաղաքական ներկայությանը»,– նշեց ռազմական փորձագետը։
Վրթանեսյանի կարծիքով` Թուրքիան Հարավային Կովկասում այժմ հաստատվում է այնպես, ինչպես առաջին համաշխարհային պատերազմի ժամանակ, որովհետև այն շրջանում եղել է մի փուլ, երբ ավելի ներկայացված է եղել Ադրբեջանի տարածքում։
«Դիտարկման ժամանակ թուրքական կողմի ի՞նչ օբյեկտիվության մասին կարող է խոսք լինել։ Ես որևէ հստակ նկարագրության չեմ էլ հանդիպել, թե նրանք կոնկրետ ինչով են զբաղվելու։ Փաստորեն, ստացվում է Թուրքիայի հետախուզական կենտրոն Արցախի տարածքում»,–նշեց ռազմական փորձագետը։
Նրա համոզմամբ` ադրբեջանական կողմը թուրքական ներկայությունը կարող է օգտագործել տարաբնույթ սադրանքների դիմելու համար, ավելին` նրանք վերջին ամիսներին, հրադադարի տարօրինակ հայտարարության ստորագրումից հետո, նման քայլերի դիմել են նույնիսկ առանց թուրքերի ներկայության։ Այնպես որ սադրիչ գործունեությունն, ըստ Վրթանեսյանի, ադրբեջանցիների համար դարձել է սովորական գործելակերպ։
Արցախի հարցում ոչինչ չարեց, հիմա էլ Թուրքիային գործիք կդարձնի. Պողոսյանը` ԱՄՆ–ի մասին