ԵՐԵՎԱՆ, 22 դեկտեմբերի – Sputnik. «Հայրենիք» կուսակցության անդամ Արսեն Բաբայանը այսօր լրագրողներին ասաց, որ ՀՀ վարչապետ Նիկոլ Փաշինյանի հրաժարականը օրերի հարց է:
Նշենք, որ Հայաստանի ընդդիմադիր ուժերն այս պահին բողոքի ակցիաներ են անցկացնում Երևանում։ Գլխավոր հանրահավաքը մեկնարկել է Հանրապետության հրապարակում՝ կառավարության շենքի դիմաց։
«Ավելի քան վստահ եմ, որ եթե ոչ մեկ ժամվա ընթացքում, ապա մի քանի օրվա ընթացքում Փաշինյանն այլևս չի նստի վարչապետի աթոռին։ Հիմա նա իշխանություն չունի»,- համոզված է Բաբայանը։
Ընդդիմադիրի խոսքով՝ վարչապետի հրաժարականի երեք տարբերակ է հնարավոր՝ վարչապետի կամավոր հեռացում, խորհրդարանի իմպիչմենտ կամ կառավարության ղեկավարի ձերբակալություն:
Բաբայանի խոսքով՝ ընդդիմությունն ամեն ինչ կանի, որպեսզի հանրահավաքի ընթացքում բախումներ թույլ չտա:
Հիշեցնենք, որ Հայաստանում բողոքի ակցիաները՝ վարչապետի հրաժարականի պահանջով, սկսվել են նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո։
Մարզաշխարհի 35 ներկայացուցիչներ միացել են Նիկոլ Փաշինյանի հրաժարականի պահանջին
Ընդդիմադիր կուսակցությունների նախաձեռնությամբ ստեղծվել է Հայրենիքի փրկության շարժում, որը վարչապետի միասնական թեկնածու ունի` Հանրային խորհրդի նախկին նախագահ Վազգեն Մանուկյանը։
Դեկտեմբերի 16-ին Հայրենիքի փրկության շարժման բողոքի ակցիայի ժամանակ հայտարարվեց, որ դեկտեմբերի 22-ը համահայաստանյան գործադուլի և դասադուլի օր կլինի։
Մոր և մանկան կենտրոնը միանալու է Փաշինյանի հրաժարականի պահանջով գործադուլին