ԵՐԵՎԱՆ, 22 դեկտեմբերի – Sputnik. Արցախի Հանրապետության մարդու իրավունքների պաշտպան Արտակ Բեգլարյանը դեկտեմբերի 22-ին ԱՀ Ազգային ժողովի նախագահին է ներկայացրել հրաժարականի մասին գրավոր դիմում։ Տեղեկությունը հայտնում է Արցախի ՄԻՊ–ի գրասենյակը Facebook-ի էջում։
«Պաշտպանի հրաժարականը պայմանավորված է պետական համակարգում այլ պաշտոնի անցնելու առաջարկով՝ ելնելով առկա մարտահրավերներից ու կարիքներից»,–նշված է հաղորդագրության մեջ:
Sputnik Արմենիայի տեղեկություններով` Արտակ Բեգլարյանը կնշանակվի ԱՀ նախագահի աշխատակազմի ղեկավարի պաշտոնում։
ԱՀ ՄԻՊ գրասենյակից տեղեկացնում են, որ վաղը՝ դեկտեմբերի 23-ին, ժամը 11:00-ին, ԱՀ ԱԺ նիստերի փոքր դահլիճում մարդու իրավունքների պաշտպան Արտակ Բեգլարյանը հանդես է գալու մամուլի ասուլիսով, որն ուղիղ եթերով կհեռարձակվի ԱՀ մարդու իրավունքների պաշտպանի ֆեյսբուքյան էջով ու յութուբյան ալիքով:
Արցախում չգտնվող լրագրողները կարող են իրենց հարցերը նախապես նամակով ուղարկել ֆեյսբուքյան էջին՝ մինչև դեկտեմբերի 23-ի ժամը 9:00-ն:
Ձմռանը հումանիտար ճգնաժամը կարող է սրվել. Արցախի ՄԻՊ–ը հարցազրույց է տվել ՌԻԱ Նովոստիին