Գորիսի համայնքապետին բերման են ենթարկել

Գորիսի քաղաքապետը երեկ կոչ էր արել համաքաղաքացիներին՝ արգելել Նիկոլ Փաշինյանի մուտքը մարզ։
Sputnik

ԵՐԵՎԱՆ, 21 դեկտեմբերի -Sputnik. Քիչ առաջ ձերբակալեցին Գորիսի համայնքապետ Առուշ Առուշանյանին: Այս մասին Facebook-ի էջում գրել է «Վետո» հասարակական-քաղաքական շարժման ղեկավար Նարեկ Մալյանը։

«Ոչ միայն իմ պաշտպանյալն է, այլև հրամանատարը». Առուշանյանի պաշտպանները չգիտեն` որտեղ է նա

Ավելի ուշ քննչական կոմիտեից Sputnik Արմենիային տեղեկացրեցին, որ քաղաքապետը բերման է ենթարկվել մի քանի քրեական գործի շրջանակում, որոնք միացվելու են մեկ քրգործի մեջ։ Այլ մանրամասներ չհայտնեցին:

Հիշեցնենք, որ Գորիսի քաղաքապետը երեկ կոչ էր արել համաքաղաքացիներին՝ արգելել Նիկոլ Փաշինյանի մուտքը մարզ։

«Գորիս համայնքի հարգելի բնակիչներ, առավոտյան ժամը 06։00-ին Գ․ Տաթևացու անվան հրապարակից ավտոմեքենաների շարասյունը կմեկնի Սյունիքի  դարպասներ՝ արգելելու հայոց հողը օտարող, Սյունիքի երբեմնի անառիկությունը խաթարող «վարչապետի» մուտքը Սյունիքի մարզ։ Բոլոր արժանապատիվ  գորիսեցիներին կոչ ենք անում միանալ կամավոր շարժերթին»,-մասնավորապես գրել էր նա։

«Տեղ գյուղից այն կողմ Ադրբեջանն է». Փաշինյանը սիսիանցիներին ներկայացրեց սահմանների խնդիրը

Հավելենք, որ այսօր առավոտից լարված իրավիճակ է Սյունիքի մարզի մուտքի մոտ. բախումներ են գրանցվել իրավապահների ու բողոքի ակցիայի մասնակիցներին միջև։