Եկեղեցում ՀՀ վարչապետ Նիկոլ Փաշինյանին չընդունելու մասին խոսք լինել չի կարող, որովհետև նա մտել է եկեղեցի, վառել է իր մոմը, գուցե արել է իր աղոթքը, բայց ոչ ոք նրան եկեղեցուց դուրս չի հրավիրել։ Sputnik Արմենիայի հետ զրույցում նման տեսակետ հայտնեց տեր Եսայի քահանա Արթենյանը։
«Իսկ ձեռք չմեկնելը դեռ չի նշանակում, որ հոգևորականը եկեղեցում ինչ–որ մեկին մերժեց։ Դա քահանայի անձնական դիրքորոշումն էր, որի իրավունքը նա ունի, և որի հետ կարելի է համաձայն լինել կամ չլինել։ Իրականում ոչ մի արտառոց բան չի եղել, մանավանդ, որ այստեղ խոսքը պարզ հավատացյալի մասին չէ, վարչապետի մասին է, որին գուցե մեր հասարակության շատ անդամներ, այդ թվում` տեր հայրն ունի հարցեր, որոնց կապակցությամբ ակնկալվում են մեր իրականությանն առնչվող պատասխաններ»,– նշեց քահանան։
Տեր Եսայի քահանա Արթենյանի կարծիքով` տեղին չէ խոսել այն մասին, որ քահանան մերժել է հավատացյալի հանդեպ հոգևոր խնամք կամ հոգևոր սպասավորություն իրականացնել, մանավանդ, որ այդ մարդը չի էլ գնացել հոգևոր խնամք ստանալու, նա պարզապես մտել է եկեղեցի և մոմ վառել։
Փաշինյանին միայն ասել եմ` սպասիր Աստծո դատաստանին. քահանան սպառնալիքներից չի վախենում
Քահանայի համոզմամբ` հոգևոր դասն իր ձևակերպումներում ու քննադատություններում, անկախ նրանից, թե ում է քննադատում և ինչի համար, միշտ եղել է զուսպ, սակայն յուրաքանչյուր հոգևորական, ինչպես յուրաքանչյուր քաղաքացի, իրավունք ունի իր դիրքորոշումն ունենալ և խոսել այդ մասին, ինչը քննարկման ենթակա չէ, մանավանդ, եթե մտահոգությունը վերաբերում է մեր հայրենիքի ապագային, նրա անվտանգությանը։ Ըստ նրա` սա քաղաքականություն չէ, այլ մեր ազգային կեցության հարցն է։
Հիշեցնենք` ՀՀ վարչապետ Նիկոլ Փաշինյանն այսօր այցելեց Սյունիք, շրջեց Սիսիանով։
Նա Սիսիանի քաղաքային պանթեոնում հարգանքի տուրք մատուցեց զոհվածների հիշատակին։ Այնուհետև մտավ Սիսիանի Սուրբ Գրիգոր եկեղեցի (Սիսավանի վանք), մոմ վառեց և մոտեցավ տեղի քահանային` տեր Պարգև քահանա Զեյնալյանին։ Քահանան, սակայն, հրաժարվեց սեղմել Փաշինյանի ձեռքը և ի պատասխան ձեռքով ցույց տվեց եկեղեցու դուռը։
«Գործարք եմ առաջարկում». Փաշինյանը չի մեկնի Գորիս, Կապան ու Մեղրի