ԵՐԵՎԱՆ, 13 դեկտեմբերի - Sputnik. Նիկոլ Փաշինյանի հրաժարականը պահանջող ըննդիմադիր ուժերի կողմից վարչապետի թեկնածու հայտարարված ՀՀ նախկին վարչապետ Վազգեն Մանուկյանը հայտարարություն է տարածել, որտեղ անդրադարձել է արցախյան հայկական գյուղերի շուրջ ծավալված վերջին իրադարձություններին։
«Մենք բարձր ենք գնահատում ռուսական խաղաղապահ զորքերի առաքելության իրականացումն Արցախում, սակայն որևէ երկրում խաղաղապահ զորքերը միայնակ չեն կարող ապահովել սահմանների և բնակչության լիարժեք պաշտպանությունն ու անվտանգությունը՝ առանց տեղի զինված ուժերի։ Այդ մասին են վկայում երեկ Արցախում տեղի ունեցած զարգացումները, որոնք խիստ մտահոգիչ են»,– նշում է Մանուկյանը։
Նա շեշտում է, որ Հայաստանում և Արցախում պետական համակարգերը կաթվածահար են և իրենց անգործությամբ ու բանակի պարտականությունները խոչընդոտելով՝ հնարավորություն չեն տալիս զինված ուժերին կատարել իրենց ուղիղ գործառույթները՝ պաշտպանել Հայաստանի, Արցախի սահմաններն ու խաղաղ բնակչությանը։
Միժամանակ նրա դիտարկմամբ, Հայաստանի քաղաքական իշխանությունը կասկածելի անտարբերություն, առանձին դեպքերում նաև կանխամտածված վարքագիծ է դրսևորոմ` թույլ չտալով ՀՀ զինված ուժերին կատարել իրենց պարտքը Հայրենիքի հանդեպ։
Ամենայն Հայոց Կաթողիկոսը հանդիպել է Վազգեն Մանուկյանի հետ
Մանուկյանը Հայաստանի ու Արցախի Հանրապետությունների զինված ուժերի ղեկավարությանը կոչ է անում համագործակցել ռուս խաղաղապահ զորքերի հետ ապահովելու համար երկրի և ժողովրդի անվտանգությունը և կանխել Ադրբեջանի զինված ուժերի կողմից հրադադարի եռակողմ հայտարարության խախտումները։
Վազգեն Մանուկյանը ԵԱՀԿ Մինսկի խմբի եռանախագահությունից ակնկալում է, որ նրանք ակտիվ ջանքեր կգործադրեն և կկատարեն իրենց առաքելությունը։