ԵՐԵՎԱՆ, 12 դեկտեմբերի – Sputnik. Գորիսի համայնքապետարանը հաղորդագրություն է տարածել` հերքելով շրջանառվող լուրերը, թե իբր երեկ Գորիսում ադրբեջանական պետհամարանիշներով ավտոմեքենա են նկատել:
Երեկվանից սոցցանցերում մի տեսանյութ է տարածվում, ըստ որի` Ադրբեջանի զինվորական երկու «Ուրալ» մակնիշի բեռնատար մտել են Գորիս քաղաք։
«Տեղեկությունը չի համապատասխանում իրականությանը. իրավիճակը վերահսկվում է, մեր սահմաններն ամուր են, ժամկետային զինծառայողները, ինքնապաշտպանական ջոկատները սահմանի ամբողջ երկայնքով ամուր կանգնած են և թշնամին չի կարող քայլ առաջ կատարել»,–նշված է Գորիսի համայնքապետարանի ֆեյսբուքյան էջում։
Հաղորդագրության մեկնաբանություններում էլ հավելյալ նշված է, որ օրեր առաջ «Ուրալ» մեքենաներով Սյունիքի մարզի Դավիթ Բեկ գյուղ են ժամանել ադրբեջանցի զինվորականներ՝ Կարմիր խաչի և ռուս զինվորականների ուղեկցությամբ, որ տանեն իրենց զինծառայողների դիակները:
Եթե արժանի հակահարված չլինի, Սյունիքի կորուստը կլինի մոտ ապագայի հարց. Գեղամյան