ԵՐԵՎԱՆ, 10 դեկտեմբերի – Sputnik. Հայաստանի ԱԱԾ տնօրեն Արմեն Աբազյանը չի կանչվել Մոսկվա, մամուլում տարածված լուրերն իրականությանը չեն համապատասխանում։ Տեղեկությունը Sputnik Արմենիային հայտեցին ԱԱԾ մամուլի ծառայությունից։
Նշենք, որ մամուլում լուրեր են շրջանառվում, թե ՀՀ ԱԱԾ տնօրեն Արմեն Աբազյանին Մոսկվայում փոխանցվել է Հայաստանի «սորոսական գործակալական» ողջ ցանցի քարտեզը՝ անուն առ անուն, պահանջելով նրանց հեռացնել պետական պաշտոններից։
Հիշեցնենք՝ ԱԱԾ տնօրենը Մոսկվա էր գնացել դեկտեմբերի սկզբներին, ինչը պաշտոնապես հաստատել էր ԱԱԾ լրատական ծառայությունը՝ չմանրամասնելով հանդիպման օրակարգը։
Արմեն Աբազյանը ԱԱԾ տնօրենի պաշտոնում նշանակվել է 2020թ.–ի նոյեմբերի 8–ին։