ԵՐԵՎԱՆ, 9 դեկտեմբերի – Sputnik. ԵԱՏՄ կարանտին վնասատուների ցուցակում Pepino mosaic virus վնասատուն ներառված չէ։ Տեղեկությունը Sputnik Արմենիայի հետ զրույցում, ի պատասխան ՀՀ-ից ՌԴ արտահանված լոլիկի և պղպեղի մեջ Pepino mosaic virus վնասատուի հայտնաբերման փաստին, ասած ՍԱՏՄ մամուլի խոսնակ Անուշ Հարությունյանը։
«Մեր ռուս գործընկերների հետ այդ խնդիր քննարկման ժամանակ ձեռք բերված պայմանավորվածության արդյունքում մեզ տրամադրվել է ժամանակ մշտադիտարկում և այս հիվանդության նկատմամբ լաբորատոր ստուգում անցկացնելու համար»,–ասաց նա:
Հարությունյանը տեղեկացրեց նաև, որ նշված հիվանդությունը մարդկանց համար վտանգավոր չէ:
Ինչպես արդեն տեղեկացրել ենք, դեկտեմբերի 14-ից Ռոսսելխոզնադզորը ժամանակավորապես արգելում է լոլիկի և պղպեղի ներմուծումը Ռուսաստան Հայաստանի Արմավիրի մարզից։ Կարանտինային ֆիտոսանիտարական ստուգման ընթացքում Հայաստանից Ռուսաստան բերված թարմ լոլիկի մեջ Pepino mosaic virus վարակ է հայտնաբերվել։
«Ռոսսելխոզնադզորը» մտահոգ է Հայաստանից Ռուսաստան վարակված լոլիկի մատակարարման փաստով
Նշվում էր նաև, որ 2020 թվականի դեկտեմբերի սկզբի դրությամբ՝ Ռոսսելխոզնադզորի հարցմանն ի պատասխան տեղեկություն չի եկել, ինչը կարող է վկայել այն մասին, որ ֆիտոսանիտարական հսկողության հայկական համակարգը չի կարող ապահովել չվարկված ապրանքի մուտքը Ռուսաստան։