ԵՐԵՎԱՆ, 7 դեկտեմբերի – Sputnik. «Հայփոստի» մամուլի ծառայությունից հայտնում են, որ «Հայփոստ» ՓԲԸ-ն ոչ մի գովազդային մրցույթ չի իրականացնում, վերջին օրերին տարածված հաղորդագրությունների հետ որևէ առնչություն չունի:
Նշենք, որ վերջին օրերին «Հայփոստին» են դիմել բազմաթիվ քաղաքացիներ և հայտնել, որ «Հայփոստից» հաղորդագրություն են ստացել գովազդային մրցույթում շահելու վերաբերյալ:
«Հայտնում ենք, որ անհայտ անձանց կողմից փորձ է արվում քաղաքացիներից խարդախությամբ գումար շորթել: Միևնույն ժամանակ, ապօրինի օգտագործվում է «Հայփոստ» ՓԲԸ անվանումը և ապրանքային նշանը: Հորդորում ենք բոլորին նման հաղորդագրություն ստանալիս որևէ անձնական տվյալ չտրամադրել»,–նշված է հաղորդագրության մեջ։
«Հայփոստ» ՓԲԸ-ն հիշեցնում է, որ բոլոր միջոցառումների մասին հայտարարությունները հաղորդվում են բացառապես «Հայփոստ» ՓԲԸ պաշտոնական էջերով և ԶԼՄ-ներով։
Մարտիրոսյան. «Փաշինյանին հարցեր ուղղած բլոգերը ժամանակին դատվել է խարդախության համար»