ԵՐԵՎԱՆ, 7 դեկտեմբերի - Sputnik. Հայաստանը պարտվել է Ադրբեջանի հետ տեղեկատվական պատերազմում, ընդ որում՝ պարտվել է ոչ թե 2020 թվականի սեպտեմբերին կամ հոկտեմբերին՝ ղարաբաղյան հակամարտության թեժ փուլում, այլ շատ ավելի շուտ՝ 2018 թվականի մայիսին։ ՏԱՍՍ-ի հարթակում տեսակամուրջի ժամանակ նման կարծիք է հայտնել քաղաքագետ, հրապարակախոս Արմեն Գասպարյանը։
Գասպարյանի կարծիքով ՝ իշխանության գալով՝ ՀՀ վարչապետ Նիկոլ Փաշինյանն ու իր թիմակիցները «սկսել են կործանել այն ամենը, ինչ հնարավոր է», այդ թվում ՝ տեղեկատվական անվտանգությունը։ Իսկ Ղարաբաղում պատերազմի ընթացքում պայմանականորեն ադրբեջանական 8 նորությունների դիմաց Հայաստանից 2 նորություն էր տրվում։ Հայաստանի իշխանությունները մարտական գործողությունների ժամանակ անգամ չեն կիրառել տեղեկատվական դիմակայության այնպիսի կարևորագույն գործիք, ինչպիսին ռազմական գրաքննությունն է։
Միաժամանակ Գասպարյանը վտանգավոր է համարում մեղքը մեկ մարդու վրա բարդելու փորձերը։ Նրա խոսքով ՝ այսօր ընդդիմադիր դաշտն ու տեղեկատվական օրակարգը լրացրած շատ ուժեր իրենք են ժամանակին ծափահարել ներկա իրավիճակին հանգեցրած որոշումներին։ Եվ եթե նրանք կարծում են, որ մարդկանց հիշողությունը կարճ է, ապա խորապես սխալվում են։
«Բանակը ոչնչում մեղավոր չէ». Լևոն Մնացականյանը` պատերազմի մասին
«Կներեք, բայց պատերազմի նման բաղկացուցիչ մասերով կարելի էր միայն պարտվել... Ինձ ընդհանրապես թվում է, որ Հայաստանում մինչև վերջ իրենց հաշիվ չեն տալիս, թե ինչ է տեղի ունեցել։ Սա ռազմական պարտություն չէ, սա ազգային նվաստացում է, որի համար շատ մարդիկ են մեղավոր։ Իսկ մեկի ներկայիս որոնումը մեզ կբերի 2018 թվականի մայիս ամսվա վիճակին», - նշել է նա։