ԵՐԵՎԱՆ, 7 դեկտեմբերի – Sputnik. «Ճանապարհային դեպարտամենտ» ՊՈԱԿ-ը տեղեկացնում է, որ առատ ձյան պատճառով և երթևեկության անվտանգությունն ապահովելու նպատակով Դիլիջանի ոլորանները փակ են ծանրաքաշ և կցորդիչով մեքենաների համար:
«Իսկ Գորիսի, Կապանի տարածաշրջանների ավտոճանապարհներին և Ստեփանավանի լեռնանցքում տեղ-տեղ մերկասառույց է»,–նշված է հաղորդագրության մեջ։
Դեպարտամենտը հայտնում է, որ Թալինի, Մարալիկի, Արթիկի, Ախուրյանի, Աշոցքի, Աշտարակի, Ապարանի, Սպիտակի, Ստեփանավանի, Թումանյանի, Տավուշի, Նոյեմբերյանի, Գավառի, Մարտունու, Գորիսի տարածաշրջանների ավտոճանապարհներին ձյուն է տեղում։
Երևանի Մալաթիա-Սեբաստիա վարչական շրջանում ջրամատակարարման 24-ժամյա անջատումներ կլինեն
Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով: