ԵՐԵՎԱՆ, 2 դեկտեմբերի – Sputnik. Ռուսաստանը Հավաքական անվտանգության պայմանագրի կազմակերպության երկրներին կորոնավիրուսի դեմ ռուսական «Սպուտնիկ V» պատվաստանյութ կմատակարարի: Տեղեկությունը ՀԱՊԿ նիստում ասել է ՌԴ նախագահ Վլադիմիր Պուտինը:
Ռուսաստանի նախագահի խոսքով՝ կորոնավիրուսային համավարակի հետ կապված բարդ իրավիճակում ստիպված են եղել առաջնահերթ կարգով զբաղվել առողջապահության, սոցիալական և տնտեսական ոլորտներում առաջացած սուր հարցերի լուծմամբ:
«ՀԱՊԿ պետությունները սերտ փոխգործակցություն են հաստատել վարակի դեմ պայքարի ոլորտում։ Ռուսաստանը ՀԱՊԿ երկրներին բժշկական սարքավորումներ, տեխնիկա, թեստային համակարգեր է մատակարարել։ Ներկայում մշակվում են ՀԱՊԿ անդամ երկրներին ռուսական «Սպուտնիկ V» պատվասատանյութ մատակարարելու հարցերը», - նշել է նախագահը։
Նա հավելել է, որ քննարկվում է նաև ՀԱՊԿ գործընկերների հետ պատվաստանյութի համատեղ արտադրության հարցը։
Կորոնավիրուսին հաղթեցի՞նք. այս իրավիճակում դպրոցները բացելը, ըստ փորձագետի, հիմնավոր չէ