ԵՐԵՎԱՆ, 30 նոյեմբերի - Sputnik. Իրանի առաջին փոխնախագահ Էսհակ Ջահանգիրին Շանհայի համագործակցության կազմակերպության (ՇՀԿ) երկրների կառավարությունների ղեկավարների խորհրդի առցանց նիստի ժամանակ հայտարարել է, որ իրենք պատրաստ են մասնակցել Լեռնային Ղարաբաղի՝ պատերազմից ավերված շրջանների վերականգնմանը։ Տեղեկությունը հայտնում է ՌԻԱ Նովոստին։
«Իրանը հայտարարում է, որ պատրաստ է մասնակցել պատերազմի հետևանքով ավերված շրջանների վերականգնմանը՝ օգտագործելով իր տնտեսական հնարավորությունները, հատկապես էներգետիկայի և տարանցման ոլորտում», - ասել է նա:
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են