ԵՐԵՎԱՆ, 28 նոյեմբերի – Sputnik. Սուսերամարտիկ, օլիմպիական կրկնակի չեմպիոն Յանա Եգորյանը երեխայի է սպասում։ 26 տարեկան մարզիկն այս լուրը հայտնել է ռուսական Առաջին ալիքով հեռարձակվող «Вечерний Ургант» հաղորդման ժամանակ։ Հաղորդումը նվիրված էր սուսերամարտի մասին պատմող «На острие» սպորտային դրամայի պրեմիերային։ Եգորյանը ֆիլմի հերոսներից մեկի նախատիպն է։
Սուսերամարտիկը պատրաստվում էր ևս մեկ օլիմպիական ոսկի նվաճել, բայց Տոկիոյում կայանալիք օլիմպիադան մեկ տարով հետաձգվել է կորոնավիրուսի համավարակի պատճառով, և նա չի կարողացել իրագործել իր ծրագիրը։
«Մի ամաչեք». սուսերամարտիկ Յանա Եգորյանն իր երգելով դյութել է երկրպագուներին. տեսանյութ
«Պատրաստվում էի ևս մեկ ոսկի նվաճել Տոկիոյում, որ հրավիրես ինձ։ Օլիմպիադան չեղարկեցին, ու պետք էր մտածել՝ ինչ անել, որ ինձ նորից հրավիրես քեզ մոտ։ Հղիացա, ֆիլմ նկարահանվեց։ Ու մտածեցի․ «Այո՜, ինձ Առաջին ալիք կհրավիրեն»», - ասել է Եգորյանը՝ դիմելով հաղորդավար Իվան Ուրգանտին։
Յանա Եգորյանը սուսերամարտի Ռուսաստանի հավաքականի մարզիկ է, որը ոսկե մեդալ է նվաճել Ռիո դե Ժանեյրոյի օլիմպիական խաղերում։ 2017 թվականի հոկտեմբերի կեսին նա իր պատմական հայրենիք էր եկել, հանդիպել հորը` Կարապետ Ալավերդյանին, որին 17 տարի չէր տեսել։ Ծնողներն ամուսնալուծվել են, երբ նա վեց տարեկան է եղել։ Մայրն աղջկան իր ազգանունն է տվել, քանի որ ամուսնացած չի եղել Յանայի հոր հետ։
Կրքոտ և գրավիչ. Յանա Եգորյանը նկարահանվել է հայ երգչի տեսահոլովակում