ԵՐԵՎԱՆ, 27 նոյեմբերի – Sputnik․ ՀՀ վարչապետ Նիկոլ Փաշինյանը կառավարության շենքում հանդիպել է ժամկետային զինծառայողներից մի քանիսի ծնողների հետ։ Տեղեկությունը Facebook-ի իր էջում հայտնում է վարչապետի մամուլի խոսնակ Մանե Գևորգյանը։
Նա նշել է, որ քիչ առաջ ավարտվել է վարչապետ Նիկոլ Փաշինյանի հանդիպումը ժամկետային զինծառայողների ընտանիքների անդամների հետ։
Ծնողներն իրենց մտահոգություններն են ներկայացրել զինծառայողների կեցության հետ կապված:
Վարչապետը խոստացել է, որ մատնանշված խնդիրների ուսումնասիրության արդյունքում առաջիկայում կտրվեն հուզող հարցերի պատասխանները։
«Վերադարձրեք մեր էրեխեքին». ժամկետային զինծառայողների ծնողները մեծ ակցիա կիրականացնեն