ԵՐԵՎԱՆ, 24 նոյեմբերի - Sputnik. ՀՀ արդարադատության նախարար Ռուստամ Բադասյանը հրաժարական չի տվել։ Տեղեկությունը Facebook-ի իր էջում հայտնում է նախարարի մամուլի խոսնակ Լուսինե Մարտիրոսյանը։
«Արդարադատության նախարար Ռուստամ Բադասյանի հրաժարականի մասին լուրերն իրականությանը չեն համապատասխանում»,- գրել է նա։
Հիշեցնենք՝ համացանցում արդեն մի քանի օր է՝ տեղեկություններ են շրջանառվում, որ սպասվում է նաև արդարադատության նախարար Ռուստամ Բադասյանի հրաժարականը։
Ըստ տեղեկությունների՝ նախարարական աթոռն առաջարկվել է նախկին փոխոստիկանապետ Հովհաննես Քոչարյանին, սակայն վերջինս հրաժարվել է։ Հիմա իշխանությունը երկու կին թեկնածուների միջև պետք է ընտրություն կատարի՝ վարչապետի խորհրդական Աննա Վարդապետյանի և արդարադատության գործող փոխնախարար Քրիստինե Գրիգորյանի։