ԵՐԵՎԱՆ, 19 նոյեմբերի — Sputnik. Ֆրանսիայի սենատ Լեռնային Ղարաբաղի անկախության ճանաչման նախագիծ է ներկայացվել: Այդ մասին տեղեկանում ենք Սենատի պաշտոնական կայքից։
Նախագիծը ներկայացրել են տարբեր խմբակցությունների անդամ հինգ սենատորներ ՝ Բրյունո Ռետայոն (հանրապետականների ղեկավար), Պատրիկ Կանները, Էրվե Մարսելը («Ցենտրիստների միություն» խմբի ղեկավար), ինչպես նաև Էլիան Ասասին և Գիյոմ Գոթարը:
Հիշեցնենք՝ հոկտեմբերի կեսին Լեռնային Ղարաբաղը ճանաչելու մասին նախագիծ էր ներկայացվել նաև Ազգային ժողով, այսինքն ՝ Ֆրանսիայի խորհրդարանի ստորին պալատ:
Երկու օրինագծերն էլ առաջարկում են ճանաչել Լեռնային Ղարաբաղի անկախությունը՝ սեպտեմբերի 27-ին ռազմական ագրեսիա սկսած Ադրբեջանի կողմից պատերազմի սպառնալիքից ԼՂ-ի բնակչությանը պաշտպանելու համար:
Հայաստանին մարդասիրական օգնություն ցուցաբերելու համար Ֆրանսիայում հանձնախումբ կստեղծվի