ԵՐԵՎԱՆ, 18 նոյեմբերի - Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ երկրում պարետային ժամ է սահմանվում։ Տեղեկությունը հայտնում է ՌԻԱ Նովոստին։
«Կորոնավիրուսի դեպքերի աճի պատճառով կառավարության նիստում որոշվել է փակել սրճարաններն ու ռեստորանները, ինչպես նաև մասնակի պարետային ժամ գործարկել հանգստյան օրերին», - ասել է Էրդողանը:
Պարետային ժամը կգործի միայն հանգստյան օրերին` շաբաթ և կիրակի։ Իսկ սրճարաններն ու ռեստորանները կաշխատեն միայն առաքումներ կատարելու համար։
Վիտամին C-ի դեֆիցիտ դեղատներում. կորոնավիրուսն ու եղանակն իրենց գործն արե՞լ են
Թուրքիայում նախորդ օրը COVID-19-ի հայտնաբերված դեպքերի և մահերի ռեկորդային թիվ է գրանցվել. մեկ օրում վարակվել է 3316 մարդ, մահացել` 94–ը։