ԵՐԵՎԱՆ, 17 նոյեմբերի – Sputnik. Հանրային ծառայությունները կարգավորող հանձնաժողովի անդամ Մեսրոպ Մեսրոպյանը հրաժարականի դիմում է ներկայացրել։
Ազգային ժողովի նախագահ Արարատ Միրզոյանը հայտարարություն է տարածել` հայտնելով, որ «Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի համաձայն` Մեսրոպ Մեսրոպյանը նոյեմբերի 16-ին հրաժարականի դիմում է ներկայացրել:
Նշենք, որ «Ազգային ժողովի կանոնակարգ» սահմանադրական օրենքի օրենքի 147-րդ հոդվածի 1-ին մասով սահմանվում է պաշտոնատար անձանց լիազորությունները դադարելու ընդհանուր կարգը։ Ըստ այդմ` վարչապետից և վճռաբեկ դատարանի դատավորներից բացի, Ազգային ժողովի կողմից ընտրված կամ նշանակված մյուս պաշտոնատար անձինք հրաժարականի մասին իրենց գրավոր դիմումը պաշտոնապես ներկայացնում են ԱԺ նախագահին, ով այդ մասին հանդես է գալիս հայտարարությամբ։
Մեսրոպյանը ՀՀ հանրային ծառայությունները կարգավորող հանձնաժողովի անդամ էր 2019թ.-ի մայիսի 30-ից։
Արցախի չորս պաշտոնյա հրաժարական են ներկայացրել. բոլորը Սամվել Բաբայանի կուսակիցներն են