ԵՐԵՎԱՆ, 15 նոյեմբերի - Sputnik. «Ադեկվադ» կուսակցության ղեկավար Արթուր Դանիելյանը, որը մեկ ժամ առաջ ազատ է արձակվել ոստիկանության բաժնից, միացել է Երևան քաղաքի ընդհանուր իրավասության դատարանի Շենգավիթի նստավայր առջեւ ի աջակցություն «Սիսական» ջոկատի հրամանատար Աշոտ Մինասյանի հավաքված ցուցարարներին։
Նշենք, որ Աշոտ Մինասյանին կալանավորելու վերաբերյալ միջնորդություն է ներկայացվել դատարան։
Նա ձերբակալվել է ՀՀ ՔՕ 35-300-րդ հոդվածի 1-ին մասի (իշխանության յուրացման և 35-305-րդ հոդվածի՝ պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։
Հավելենք, որ ՀՀ ԱԱԾ-ն երեկ հայտնել էր, որ վերոնշյալ հոդվածներով արարք կատարելու կասկածանքով երեկ մի քանի մարդ է ձերբակալվել, այդ թվում՝ «Հայրենիք» կուսակցության ղեկավար Արթուր Վանեցյանն ու ՀՀԿ-ական Վահրամ Բաղդասարյանը։
Ընդդիմադիր գործիչներն իրենց հերթին հայտարարում են, որ այդ մեղադրանքները որևէ հիմք չունեն ու պարզապես քաղաքական հետապնդումներ են։
Արթուր Վանեցյանը ձերբակալվեց. նա մեղադրվում է Փաշինյանի սպանության նախապատրաստման մեջ