ԵՐԵՎԱՆ, 11 նոյեմբերի – Sputnik. Արցախի նախագահ Արայիկ Հարությունյանն այսօր հեռախոսազրույց է ունեցել Արցախի հերոս, գեներալ-լեյտենանտ Ջալալ Հարությունյանի հետ և շնորհավորել նրա ծննդյան տարեդարձը:
«Քաջառողջություն ու շուտափույթ ապաքինում եմ մաղթել մեր նվիրյալ զինվորականին, որը մեծ ծառայություններ է մատուցել մեր հայրենիքին ու ժողովրդին»,– Facebook–ի իր էջում գրել է նա:
Ջալալ Հարությունյանի վիրավորվելու մասին հոկտեմբերի 27-ին հայտնել էր Արցախի նախագահ Արայիկ Հարությունյանը: Նա հույս էր հայտնել, որ Հարությունյանը շուտով կվերականգնվի ու կմիանա ծառայակից ընկերներին։