ԵՐԵՎԱՆ, 10 նոյեմբերի – Sputnik. Այսօրվա համաձայնագիրը առավելագույնն էր, որ կարելի էր ունենալ։ Այս մասին Հանրային հեռուստաընկերության եթերում ասաց ՀՀ պաշտպանության նախարար Դավիթ Տոնոյանը։
«Խնդրում եմ ուշադրություն դարձնել, որ այդ համաձայնագիրը նախևառաջ ռուս խաղաղապահներին է վերաբերում։ Խաղաղապահների տեղակայման վերաբերյալ սա լավագույն տարբերակն էր։ Այն մշակվեց շատ կարճ ժամանակահատվածում։ Մենք շնորհակալ ենք Ռուսաստանից, որ այդ աջակցությունը մենք ստացանք», – ասաց ՀՀ պաշտպանության նախարարը։
ՊՆ ղեկավարի խոսքով` հայկական բանակը պատերազմից ուժեղ ու կոփված է դուրս եկել։
«Պատերազմներից հետո բանակները ուժեղանում են։ Նույնն էլ մենք։ Շարունակելու ենք մեր աշխատանքը, մեր բարեփոխումները, շարունակելու ենք գերժամանակակից սպառազինություն ձեռք բերելը, զինվելը։ Փոխելու ենք, վերանայելու ենք զորահավաքային համակարգը, որը խնդրահարույց էր այսպիսի պատերազմի ժամանակ», – ասաց Տոնոյանը։
Ցանկացած երկարաժամկետ համաձայնագիր պետք է հաշվի առնի Հայաստանի շահերը. Ֆրանսիայի նախագահ
Իր` նախկինում արված «Նոր պատերազմ, նոր տարածքներ» պնդման վերաբերյալ Տոնոյանն ասաց, որ դա ուղղված էր Ադրբեջանին։
«Բայց գործում մենք բախվեցինք ոչ միայն Ադրբեջանին, այլև նրան աջակցող ուժերին։ Պայքարը Ադրբեջանի հետ չի եղել։ Սա աշխարհաքաղաքական նոր իրավիճակ էր, տարածաշրջանային` ոչ միայն Հարավային Կովկասին վերաբերող», – ասաց Տոնոյանը։
Նրա խոսքով` «Նոր պատերազմ, նոր տարածքներ» ասվածը պատասխան էր Ադրբեջանի` պատերազմ հրահրելու սպառնալիքներին։ Բայց իրականում Հայաստանը միայն Ադրբեջանի դեմ չէր պայքարում։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 10-ի ժամը 13։30-ի դրությամբ` հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։
Ըստ վերջին տվյալների՝ Ադրբեջանի զինված ուժերը զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները Ղարաբաղյան հակամարտության գոտում դադարեցվել են։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում