Օգնո՞ւմ է վիտամին D-ն կորոնավիրուսի դեմ պայքարում. մեկնաբանում են գիտնականները

Ռուսաստանի գիտությունների ակադեմիայի փորձագետը բացատրել է, թե ինչպես է օրգանիզմի վրա ազդում վիտամին D-ի պակասը COVID-19-ով վարակված լինելու ժամանակ:
Sputnik

ԵՐԵՎԱՆ, 9 նոյեմբերի -Sputnik. Կորոնավիրուսի և վիտամին D-ի փոխկապակցվածության մասին բրիտանացի գիտնականների հետազոտությունը մեկնաբանել է Ռուսաստանի գիտությունների ակադեմիայի թղթակից անդամ, Նովոսիբիրսկի պետական համալսարանի բնական գիտությունների ֆակուլտետի կենսատեխնոլոգիայի և վիրուսաբանության լաբորատորիայի վարիչ Սերգեյ Նետեսովը։

ԵՄ–ն Հայաստանին 35.6 մլն եվրո դրամաշնորհ է հատկացրել կորոնավիրուսի հաղթահարման համար

Օտարերկրյա մասնագետները պարզել են, որ վիտամին D-ի պակաս ունեցող մարդիկ կորոնավիրուսն ավելի ծանր են տանում։

Նետեսովի խոսքով ՝ օրգանիզմում ցանկացած օգտակար նյութի պակասն ազդում է կորոնավիրուսի դեմ արդյունավետ պայքարելու վրա:

Սննդի մեջ վիտամինների պակասը խախտում է մարսողական, էներգետիկ և այլ համակարգերի աշխատանքը։ Հիվանդության ընթացքում մարդուն անհրաժեշտ են մետաղներ, ինչպիսիք են ցինկը, մագնեզիումը, կալիումը և ամինաթթուները:

«Երբ օրգանիզմը նորմալ չի գործում, այդ ժամանակ բոլոր վարակներն ավելի դժվար կհաղթահարվեն, քան ճիշտ սնուցման դեպքում», - նշեց փորձագետը:

Բոլոր վիրավորները բուժման հնարավորություն ունեն, իսկ կորոնավիրուսի համար հերթ է

Ավելացնենք, որ վիտամին D-ն նպաստում է սննդից ֆոսֆորի և կալցիումի ներծծմանը: Մարդը այս օգտակար նյութը ստանում է արևի ճառագայթներից կամ յուղոտ ձկից։

Փոքր քանակությամբ վիտամին D կա նաև կարագի, պանրի և այլ կաթնամթերքների մեջ։