Ռուսաստանաբնակ հայտնի գրող Նարինե Աբգարյանը Մոսկվայից «տեղափոխվել» էր Երևանի Մոսկավյան փողոց։ Այստեղ նա այսօր վաճառում էր արցախցի կանանց պատրաստած ժենգյալով հացը։ Արցախցի կանանց պատրաստած ժենգյալով հացը շատ պահանջված է Երևանում։ Այստեղ ամեն օր են հերթեր գոյանում։
Բայց այսօր հերթն առանձնահատուկ շատ էր, որովհետև սիրված արցախյան ուտեստը վաճառում էր ոչ պակաս սիրված գրող Նարինե Աբգարյանը։
Իսկ վաճառքից գոյացած գումարով կհոգան հայրենիքը պաշտպանող իրենց տղամարդկանց Երևանում սպասող արցախցիների կարիքները։
Նարինե Աբգարյանը գնոևդներին ժենգյալով հացի հետ կապված իր մանկության դրվագներն էր պատմում, նաև խորհուրդներ տալիս։
«Ամենահամովը ժենգգյալով հացը քամած մածունով ուտելն է»,–ասում էր նա։
Վաճառքում նաև Նարինե Աբգարյանի գրքերն էին, որոնցից գոյացած գումարը կփոխանցվի «Հայաստան» հիմնադրամին։