ԵՐԵՎԱՆ, 5 նոյեմբերի — Sputnik. Այսօր երեկոյան խոշոր ու ողբերգական ավտովթար է տեղի ունեցել Երևանում: Shamshyan.com–ը հայտնում է, որ ժամը 20:50-ի սահմաններում Բաղրամյան պողոտայում բախվել են «Mercedes», «Suzuki» և «Opel» մակնիշի ավտոմեքենաները:
Դեպքի վայր են ժամանել ճանապարհային ոստիկանության ծառայողներ, փրկարարական ջոկատներ և հոգեբանների խումբ:
Երևան-Մեղրի ճանապարհին բեռնատարը գլորվել է ձորը․ վարորդի դին հայտնաբերվել է մեքենայի տակ
Նշված հատվածում երթևեկությունը ժամանակավորապես դադարեցվել է և դեպքի վայր են ժամանել շտապօգնության մի քանի հերթապահ խմբեր: Ըստ նախնական տեղեկությունների՝ 2 հոգի մահացել են, իսկ մի քանիսն էլ տեղափոխվել են հիվանդանոցներ:
Փաստի առթիվ հարուցվել է քրեական գործ: Ոստիկանությունն ու քննչական բաժինը պարզում են մահացածների, վարորդների և վիրավորների ինքնությունը: