ԵՐԵՎԱՆ, 5 նոյեմբերի – Sputnik. Հնդկական «Bharat Biotech» դեղագործական ընկերությունը կորոնավիրուսի դեմ COVAXIN պատվաստանյութի մշակումները նախատեսված ժամկետից մի քանի ամիս շուտ կավարտեն՝ մինչև հաջորդ տարվա փետրվար։ Տեղեկությունը հայտնում է «Times of India» պարբերականը։
Դեղագործական ընկերությունը COVAXIN-ը մշակել է Բժշկական հետազոտությունների հնդկական խորհրդի և Վարակաբանության ազգային ինստիտուտի հետ համատեղ: Այն նախատեսվում էր թողարկել 2021թ․-ի երկրորդ եռամսյակում։
ՌԴ–ն պատրաստ է կորոնավիրուսի դեմ պատվաստանյութը տրամադրել ԵԱՏՄ գործընկերներին․ Միշուստին
«Փորձարկումների առաջին և երկրորդ փուլերում պարզվել է, որ պատվաստանյութն անվտանգ է և արդյունավետ։ Նույն արդյունքն է եղել նաև կենդանիների վրա փորձարկումներից հետո։ Այն անվտանգ է, բայց դուք չեք կարող 100%-ով վստահ լինել, քանի դեռ երրորդ փուլի փորձարկումները չեն ավարտվել»,-ասել է ICMR ավագ գիտաշխատող Ռաջնի Կանտը։
Հնդկաստանում պատվաստանյութի փորձարկումները մեկնարկել էին այս տարվա հուլիսին։ Փորձարկումների երրորդ փուլը, որին կմասնակցի ավելի քան 25 հազար մարդ, նախատեսված է նոյեմբերին։
Կորոնավիրուսի դեմ ի՞նչ պատվաստանյութ կհասնի Հայաստանին. նախարարությունը քայլեր է անում