ԵՐԵՎԱՆ, 5 նոյեմբերի — Sputnik. Հայաստանի պաշտպանության նախարարության պաշտոնական ներկայացուցիչ Արծրուն Հովհաննիսյանը Հանրային հեռուստաընկերության եթերում պատասխանել է այսպես կոչված «վերջին երկու տարվա ընթացքում Ռուսաստանի հետախուզական տվյալների բացակայության» մասին հարցին։ Այս թեման վերջին շրջանում շրջանառվում է մի շարք լրատվամիջոցներում և սոցցանցերում։
«Ինձ հետաքրքրում է, թե ով տեղեկություններ ունի գլխավոր ռազմական շտաբների կամ հետախուզության բաժինների աշխատանքի մասին։ Նախ դա մեծագույն կեղծիք է, հետո ես չեմ ասելու` մեզ ինչ ոնց են տալու և ոնց են տալիս»,–ասաց Հովհաննիսյանը
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 5-ի ժամը 15։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7290 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 257 անօդաչու սարք, 16 ուղղաթիռ, 25 ինքնաթիռ, 723 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում