ԵՐԵՎԱՆ, 2 նոյեմբերի – Sputnik. ՀՀ վարչապետ Նիկոլ Փաշինյանը շնորհավորել է իր գործընկերոջը՝ Վրաստանի վարչապետ Գեորգի Գախարիային խորհրդարանական ընտրություններում իշխող «Վրացական երազանք-Ժողովրդավարական Վրաստան» կուսակցության հաղթանակի կապակցությամբ: Տեղեկությունը հայտնում է Վրաստանի կառավարության մամուլի ծառայությունը:
«Հայաստանի Հանրապետության վարչապետ Նիկոլ Փաշինյանը հաջողություն է մաղթել Վրաստանի վարչապետ Գեորգի Գախարիային»,– նշված է հաղորդագրության մեջ:
Փաշինյանն ու Գախարիան հեռախոսազրույցի ընթացքում ընդգծել են երկու երկրների միջև բարեկամական և բարիդրացիական հարաբերությունները։
Վրացական ընդդիմությունը խորհրդարանական մանդատներն ավելացնելու շանս է ստացել
Հիշեցնենք` հոկտեմբերի 31–ին Վրաստանում խորհրդարանական ընտրություններ են անցկացվել։ ԿԸՀ-ի նախնական տվյալներով ՝ բոլոր տեղամասերի քվեների մշակումից հետո Վրաստանի խորհրդարան են անցել իշխող «Վրացական երազանք - Ժողովրդավարական Վրաստան» կուսակցությունը (48,15 տոկոս) և «Ուժը միասնության մեջ է» ընդդիմադիր դաշինքը (27,14 տոկոս), որի կազմի մեջ մտնում է նախկին իշխող «Միասնական ազգային շարժում» կուսակցությունը: