Երեխաների մասնակցությամբ տեսանյութը նկարահանել ու հրապարակել է Youtube-ի իր ալիքում Մարիամ Աղախանյանը։
«Առաջին անգամ, երբ հանդիպեցի Արցախից եկած երեխաներին, ինքս ինձ մեղավոր էի զգում, այդ թաց և վախեցած աչքերի համար: Առաջին անգամ, երբ տագնապի նման մի ձայն լսվեց, նրանք վախեցած՝ օգնություն աղերսող աչքերով նայեցին ինձ, իսկ 4 տարեկան երեխան վազելով թաքնվեց պատի ետևում։ Այդ ժամանակ էլ ես հասկացա, որ աշխարհից խաղաղություն եմ ուզում»,-տեսանյութից կից գրել է Մարիամը:
Հոլովակում արցախցի երեխաները տարբեր լեզուներով աշխարհին պատմում են իրենց պատմությունը: «Մենք մեր դպրոցն ու համալսարանն ենք ուզում, մեր եկեղեցին ու մեր բակն ենք ուզում։ Մենք ապրել ենք ուզում»,-տարբեր լեզուներով ասում են երեխաները:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին