ԵՐԵՎԱՆ, 28 հոկտեմբերի – Sputnik. Կարմիր Խաչի միջազգային կոմիտեն (ԿԽՄԿ) կոչ է արել Լեռնային Ղարաբաղի հակամարտության շրջանակներում դադարեցնել բնակելի թաղամասերի ռմբակոծությունը։ Այսօր Ժնևում հրապարակված հայտարարության մեջ ԿԽՄԿ Եվրասիայի տարածաշրջանային տնօրեն Մարտին Շուեպը նշել է, որ «սոսկալի տեսարանները», որոնց վկան է դարձել մարդասիրական կազմակերպությունը, «այլևս չպետք է շարունակվեն»։
«Ինչպես և հազարավոր քաղաքացիական անձիք, ԿԽՄԿ-ն այսօր ականատես է դարձել առաջնագծի երկու կողմերում քաղաքային թաղամասերի ինտենսիվ հրետակոծությունների, որոնք հանգեցնում են մահերի,ավերածությունների, վիրավորների և ամայացման։ Դա անընդունելի է»,-նշել է տարածաշրջանային տնօրենը։
Հակամարտության սրման սկզբից ի վեր Կարմիր խաչը կողմերին կոչ է անում ձեռնարկել բոլոր հնարավոր միջոցները քաղաքացիական անձանց և ենթակառուցվածքները, մասնավորապես՝ հիվանդանոցները, դպրոցները, շուկաները և մշակութային կառույցները պաշտպանելու համար, հիշեցրել է Շուեպը։ Նա խորը ցավակցություն է հայտնել Լեռնային Ղարաբաղում ադրբեջանական Կարմիր Մահիկի կամավորի մահվան և երկու այլ կամավորների վիրավորման կապակցությամբ։
Տարածաշրջանում իրավիճակի ներկայիս սրացումը Կարմիր խաչը գնահատում է որպես ահազանգ այն մասին, որ իրավիճակը կարող է վերահսկողությունից դուրս գալ։ Հետևանքներից «ամենաշատը տուժում են քաղաքացիական անձիք»,-ընդգծել է տարածաշրջանային տնօրենը։
«ԿԽՄԿ—ն կապի մեջ է կողմերի հետ, երկկողմանի անհատական զրույց է վարում համաշխարհային մարդասիրական իրավունքի հետ կապված իրենց պարտականությունները հիշեցնելու համար։
«Սոսկալի տեսարանները, որոնց մենք ականատես ենք եղել, չպետք է կրկնվեն»,-հայտարարել է Շուեպը։
Հիշեցնենք` Ադրբեջանն օրվա ընթացքում շարունակել է կրակի տակ պահել Արցախի Հանրապետության խաղաղ բնակավայրերը: Մասնավորապես թշնամական ուժերի կողմից համազարկային կրակի «Սմերչ» համալիրների կիրառմամբ հրթիռակոծության են ենթարկվել Շուշին և Ստեփանակերտը, ինչի հետևանքով մեծ վնաս է հասցվել մայրաքաղաքի ծննդատանը, երկու քաղաքների քաղաքացիական ենթակառուցվածքներին: Խաղաղ բնակչության շրջանում կա մեկ զոհ և վիրավորներ:
Արցախն Ադրբեջանի քաղաքացիներին կոչ է անում հեռանալ ռազմական օբյեկտների մոտից
ՊԲ-ի համարժեք գործողությունների արդյունքում հակառակորդի խորքում տեղակայված կրակակետերը լռեցվել են:
Սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին