ԵՐԵՎԱՆ, 26 հոկտեմբերի – Sputnik. Հունաստանի արտգործնախարար Նիկոս Դենդիասին մտահոգում է Սիրիայում Թուրքիայի վարած բացասական դերակատարությունը։ ՌԻԱ Նովոստիի փոխանցմամբ` նա այդ մասին հայտարարել է Աթենքում Ռուսաստանի արտգործնախարար Սերգեյ Լավրովի հետ բանակցությունների ժամանակ։
«Ես իմ անհանգստությունը հայտնել եմ Սիրիայում Թուրքիայի բացասական դերի կապակցությամբ։ Թուրքիան խափանում է ձեռք բերված հաջողությունները և դարձել է ջիհադականների տուրիստական գործակալ, որոնք ուղևորվում են տարբեր ճակատներ», — ասել է Հունաստանի արտգործնախարարը։
Դենդիասն ավելի վաղ Միջերկրական ծովում Անկարայի վերջին սադրիչ գործողությունների առնչությամբ նամակներ էր ուղարկել Գերմանիայի և Իսպանիայի իր գործընկերներին՝ Հայկո Մաասին և Արանչա Գոնսալես Լայային՝ այդ երկրներին կոչ անելով էմբարգո սահմանել Թուրքիային զենք մատակարարելու համար:
Էրդողանի խոսքերից հետո Ֆրանսիան իր դեսպանին հետ է կանչել Թուրքիայից
Հիշեցնենք Աթենքի և Անկարայի հարաբերությունները սրվեցին, երբ թուրքական «Oruç Reis» նավը սեյսմիկ ուսումնասիրություններ սկսեց Միջերկրական ծովի արևելյան հատվածում, որը Հունաստանը սեփական բացառիկ տնտեսական գոտի է համարում։
Թուրքիայի գործողությունները Միջերկրական ծովի արևելյան հատվածում կբերեն էսկալացիայի. ԵՄ