ԵՐԵՎԱՆ, 23 հոկտեմբերի - Sputnik. Ընդհանուր առմամբ այս պահին էլ մարտերը շարունակվում են. օջախային մարտերն են ընթանում։ Լրագրողների հետ ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։
«Տարբեր ճանապարհների, գետերի, հանգույցների շուրջ փորձում են հարձակումներ իրականացնել, որոնք չեզոքացվում են մեր ԶՈւ–ի կողմից»,–ասաց Հովհանննիսյանը։
Նրա խոսքով` մեր հաջողությունները հաստատուն են։ Պատերազմը լարված ու ծանր է: Հովհաննիսյանը վստահեցնում է` մեր զինված ուժերը լիովին տիրապետում են իրավիճակին և չնայած այն հանգամանքին, որ հակառակորդը որոշ տեղերում ունի առաջխաղացումներ` հակառակորդին հասցնում են կործանարար հարվածներ։
Հովհաննիսյանը հավելեց` մարտերը շարունակվում են գիշեր-ցերեկ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը