ԵՐԵՎԱՆ, 23 հոկտեմբերի - Sputnik. ՌԴ փոխարտգործնախարար Ալեքսանդր Պանկինն ասել է, որ Լեռնային Ղարաբաղի հակամարտության կարգավորման գործում Հավաքական անվտանգության պայմանագրի կազմակերպության (ՀԱՊԿ) պաշտպանական ներուժի օգտագործման մասին խոսելը կոռեկտ չէ:
«Հակամարտությունը չի տեղափոխվել ՀՀ տարածք, Հայաստանից պաշտոնական դիմում չի եղել։ ՀԱՊԿ-ն իր անդամ պետություններին օգնում է որոշակի իրավիճակներում, երբ կա ակնհայտ ագրեսիա։ Առայժմ խոսքը Լեռնային Ղարաբաղի մասին է, որը Հայաստանը չի ճանաչել իր տարածքի մի մաս և երևի չի էլ ճանաչի», - ասել է Պանկինը լրագրողներին։
Ավելի վաղ հաղորդվել էր, որ ռազմական գործողությունների սրման և Հայաստանի ու Ադրբեջանի սահման տեղափոխելու դեպքում Երևանը կարող է օգնության համար դիմել Ռուսաստանին և ՀԱՊԿ-ին:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 13։00-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը