ԵՐԵՎԱՆ, 22 հոկտեմբերի — Sputnik. Շենգավիթ բժշկական կենտրոնը տեղեկացնում է, որ ստեփանակերտցի Ալավերդյանների ընտանիքում չորրորդ երեխան է ծնվել, որին հաղթանակ են կոչել` Վիկտորյա։
«Ուզում եմ` խաղաղություն լինի և հայրիկները գան տուն». արցախցի երեխաները` նախագահականում
«Երբ սեպտեմբերի 27-ին Արցախում լսվեցին կրակոցները, արցախցի զինվորական Գայանեն, առանց վարանելու հավաքեց իրերը, երեք երեխաներին և հղիության 38-րդ շաբաթում, ինքնուրույն վարելով մեքենան, Ստեփանակերտից հասավ Երևան: Այս ընտանիքն արիության և ամուր կամքի խորհրդանիշ է»,–նշված է հաղորդագրության մեջ։
ԲԿ–ն հայտնում է, որ պատերազմական օրերին համացանցում լուսանկար հայտնվեց ՝ Ստեփանակերտի բնակարաններից մեկում հայտնված սմերչը։ Պարզվում է` դա հենց Գայանեի բնակարանն էր. հարևանները լուսանկարել էին Գայանեի սեփական բնակարանի պատշգամբը՝ սմերչի հարվածից փլված տանիքով։ Լուրը կնոջը չի ընկճել, ավելին, նա ասել է` միևնույնն է, կառուցելու ու շենացնելու ենք ոչ միայն Ստեփանակերտը, այլ ողջ Արցախը, որքան ուզում են թող խփեն:
«Շենգավիթ» ԲԿ–ում մանկաբարձ֊-գինեկոլոգ Մարգո Մարտիրոսյանի օգնությամբ Գայանեն լույս աշխարհ է բերել իր 4-րդ երեխային։ «Նա ծնվել է խորհրդանշական զինադադարի օրը, չնայած, որ այն չպահպանվեց թշնամու կողմից, բայց, այնուամենայնիվ, Գայանեի մյուս երեխաները որոշեցին քույրիկին անվանակոչել Վիկտորյա՝ հաղթանակ»,–նշված է ԲԿ–ի հաղորդագրության մեջ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը