ԵՐԵՎԱՆ, 20 հոկտեմբերի - Sputnik. Երևանում կայացած ասուլիսի ժամանակ նախկին պայմանագրային զինծառայող, այս պատերազմին կամավոր մեկնած Հարություն Բաղդասարյանը ներկայացրեց ռազմաճակատում տիրող իրավիճակը։
«Մենք մեր կռիվը մարտական դաշտում տանում ենք։ Մի քանի պետության դեմ ենք կռվում, բայց կարևոր չի` որտեղից ուզում են մեր վրա գան, ով ուզում ա` գա։ Զենքը ունենք, դուխը ունենք», – ասաց զինծառայողը։
Բաղդասարյանը վիրավորվել է հարավում, այժմ բուժում է ստանում։ Ասում է` ինքն էլ, իր հետ պառկած այլ վիրավորված զինծառայողները բժիշկներին «զոռում» են, որ իրենց շուտ բուժեն, գնան մարտի դաշտ` շարունակելու պաշտպանել մեր հայրենիքը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները