ԵՐԵՎԱՆ, 20 հոկտեմբերի — Sputnik. Շվեյցարիայի արտգործնախարարությունն այսօր որոշել է մեկ միլիոն շվեյցարական ֆրանկ տրամադրել (մոտ մեկ միլիոն դոլար) Արցախում Կարմիր Խաչի Միջազգային կոմիտեի մարդասիրական գործունեությանն աջակցելու համար։
Հայտարարության մեջ նաև կոչ է արվում անհապաղ դադարեցնել մարտական գործողությունները հակամարտության գոտում։
«Հակամարտության կողմերը պետք է ամբողջովին պահպանեն միջազգային մարդասիրական իրավունքը։ Առաջնային են մնում ընտրողականության ու համաչափության սկզբունքները, նաև մարտական գործողություններին չմասնակցող անձանց պաշտպանությունը։ Այդ առումով էական է, որ կողմերը հրաժարվեն կասետային զինամթերքի կիրառումից, որոնք տարբերություն չեն դնում քաղաքացիական անձանց ու մարտական գործողությունների մասնակիցների միջև», - նշված է Շվեյցարիայի ԱԳՆ հայտարարության մեջ։
Շվեյցարիան ցավում է, որ հումանիտար հրադադարի մասին համաձայնությունը չի իրականացվում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները