ԵՐԵՎԱՆ, 16 հոկտեմբերի — Sputnik. ՀՀ վարչապետ Նիկոլ Փաշինյանի որոշմամբ` ՀՀ արտաքին գործերի նախարարի տեղակալ է նշանակվել։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արա Այվազյանին նշանակել ՀՀ արտաքին գործերի նախարարի տեղակալ»,–նշված է Փաշինյանի որոշման մեջ։
Ի դեպ, մինչ այդ Այվազյանը Մեքսիկայի, Կոստա Ռիկայի, Կուբայի, Հոնդուրասի, Գվատեմալայի և Պանամայի ՀՀ արտակարգ և լիազոր դեսպանի պաշտոնն էր զբաղեցնում։ Նախագահ Արմեն Սարգսյանի հրամանագրով նա օրեր առաջ էր հետ կանչվել վերոհիշյալ երկրներում Հայաստանի դեսպանի պաշտոնից։
Այվազյանը դրանից առաջ էլ եղել է Լիտվայում, Լատվիայում և Էստոնիայում ՀՀ դեսպան։